Цэцэрлэгийн хоёр дахь ээлжийн бүртгэлийг есдүгээр сарын 11-нээс эхлүүлнэ

Манай улсын хэмжээнд цэцэрлэгт хамрагдах 2-5 насны 302.226 хүүхэд байгаа аж. Үүнээс 142 мянга нь нийслэлийн цэцэрлэгт хамрагдах юм байна. Наймдугаар сарын 15-ны байдлаар 89 мянган хүүхэд цахимаар бүртгүүлжээ. Бүртгэл наймдугаар сарын 20-н хүртэл үргэлжилнэ. Хэрвээ бүртгүүлсэн бол энэ сарын 21-25-нд эцэг эх, асран хамгаалагчдын бүртгэлтэй утасны дугаарт хуваарилагдсан мэдээлэл ирэх аж.

Хаягийн бүртгэл зөрүүтэй, гэнэтийн шилжилт хөдөлгөөн хийсэн, түр оршин суугч өрхийн хүүхдүүдийг хоёр дахь ээлж буюу есдүгээр сарын 11-нээс дахин бүртгэх юм байна.